Санӥ. Пилемъёс доразы берто… (Санӥ. Тучи возвращаются домой…)
Жанр: Роман-эпопея
ISBN: 978-5-7659-1383-3
.jpg)
.jpg)
.jpg)
.jpg)
.jpg)
Та книгалэсь авторзэ элькунамы тодӥсьтэмез ик ӧвӧл, дыр. Михаил Гаврилович Атаманов (Атаманов-Эграпи Микаль, со ик иеродиакон Михаил Атаманов) – филология удысысь доктор, УдГУ-ысь сӥё-дано карем профессор, Россиысь писательёслэн эштоссылэн ёзчиез; писатель публицист, Библиез, вӧсяськон книгаосты удмурт кылэ берыктӥсь; Кузе6ай Герд, Трокай Борисов, Даниил Майоров нимо премиослэн лауреатсы; Эстониысь Ӵыжы-выжы калыкъёслэн программазы премилэн лауреатэз. М. Г. Атаманов гожтӥз тодослык удысъя 11 книга, чеберлыко литературая – 10, публикациосын – 6 книгаос, 300-лэсь трос статьяос. 2023 арысен отец Михаил Кам дурысь Инмар Анайлэн Тихвин обросэзлы сӥзем Паздерыысь пиосомурт монастырьын улэ.
Выль ужзэ автор роман-эпопея шуыса нимам. Ма сярысь, бен, та 272 бамъем уж? Со – Нырысетӥ мировой война, революция, Граждан ож, кулаке поттон, Быдӟым Отечественной война, совето аръёс, перестройка. Та воштӥськонъёс Куарсашур гуртысь Санӥ но солэн ӵыжы-выжыосыз вылтӥ погыльскизы, трос валантэмъёс но юанъёс кылдытъязы, геройёслэн сюлэмъёсазы мур яраос кельтӥзы. Озьы ке но соос огыр-бугыр вакытлэсь шугадӟонъёссэ чиданы быгатӥзы, Инмарлы юн оскеменызы, чылкыт сюлэмо кылизы, ог-огзэс, улонэз но дорзэс гажамысь ӧз дугдэ.
Цена 350 руб.
