ГУП УР «Книжное издательство «Удмуртия» ведет свою историю с сентября 1919 года. За 100 лет издано

свыше 9000 названий книг, учебников, брошюр общим тиражом более 90 млн. экземпляров.

Пресса об издательстве * Югдытись сярысь югдытон

Югдытüсь сярысь югдытон

Удмурт калыклэн дано пиезлы Трофим Кузьмич Борисовлы 120 ар тырмонэн валче Удмурт Республикалэн Президентэз кылем арын октябре указ гожтüз. Таиз ар шаерамы ялэмын Трокай Борисовлэн ареныз. Юбилеен валче трос пöртэм ужрадъёс чакламын. Бадзым ужез вырзытон борды басьтüськиз «Удмуртия» издательство: Трокайлы сüзьыса кык книга поттыны чакламын. Одüгез чапак та нуналлы кисьмаз.

- «Трофим Борисов: штрихи биографии» книга дасямын нимаз заказъя, - шуэ сое дасян бордын ужась Вениамин Ившин, «Удмуртия» издательствоысь валтüсь редактор. - Поттэмын со «Удмурт кенеш» огазеяськонлэн пуктэмезъя но Президентлэн Алексадр Волковлэн юрттэмезъя. Таиз книга пичи, Трокай Борисовлэн улэменыз но ужъёсыныз огъя тодматэ. Брошюра поттэмын 3 сюрс экземплярен. Со дунтэк вöлмытüськоз пöртэм организациос пыр, вуоз шаерысьтымы школаосы, библиотекаосы.

В. Ившин но Ю. Лобанов вордэм «нунызэс» сюрес вылэ дасяло.

Удмурт автономиез кылдытüсен зучъёс но, удмуртъёс но тодматскыны мед быгатозы. Кузебай Гердэн чошатыса, Трокай Борисовлэн нимыз вунысагес кылемын. Нош удмурт калык понна лэсьтэм ужъёсыныз со азьпал радын сылэ. Соин но та книгалэн кулэлыкез бадзым. Отчы пыртэмын Кузьма Куликовлэн «Трокай: художественно-документальная повесть», Никифор Павловлэн «Трофим Борисов: научно-документальный очерк» книгаосысьтызы люкетъёс.

Трокайлы сüзем кыкетü книгаез издательствоын ужасьёс поттыны дасясько сüзьыл. «Трокай Борисов: жив - лишённый жизни» книга пуштросэзъя трослы узыргес луоз. Татчы пырозы ачиз сярысь веранъёс, кылбуръёсыз, выступлениосыз, пöртэм документъёс, фотокопиос. Кутэмын луозы Кузьма Куликовлэн, Никифор Павловлэн книгаосысьтызы люкетъёс, чыжы-выжыосызлэн тодэ ваёнъёссы. Трофим Борисовен герзаськем кыче ке материалъёссы вань ке, май толэзьлэн пумозяз «Удмурт кенеше» но «Удмуртия» издательствое вазиськыны быгатозы на шаерысьтымы историкъёс, краеведъёс, вань мылкыд карисьёс.

Трофим с калыкез вöзысь кужмысь ишкалтüзы ке но, аръёс ортчыса, со выльысь берытскиз дораз. Книгаын воректэм тылгизьы тросгес адями сюлэмъёсты мед аратоз.

Туспуктüз Владимир Беломорских. Лия Малых

Источник: Газета "Удмурт Дунне" №13 (24752) 2.02.2011г.

Скачать удмуртские шрифты Times New Roman Udm(остальные) Arial Udm, Courier Udm, Verdana Udm, Поиск,