Мы работаем для Вас с 1919 года.

На главную...

Об издательстве...

Новости...

Книжный магазин...

Скачать прайс-лист...

Как с нами связаться. Как к нам проехать.

On-line

консультации

Все вопросы, связанные с приобретением книг, Вы можете задать нашим специалистам:

*

487295596 - общие вопросы

 

Яндекс.Метрика

 

География посетителей сайта:

Государственное унитарное предприятие Книжное издательство УДМУРТИЯ

ГУП УР «Книжное издательство «Удмуртия» ведет свою историю с сентября 1919 года. За 100 лет издано

свыше 9000 названий книг, учебников, брошюр общим тиражом более 90 млн. экземпляров.

Пресса об издательстве * Вералоз - кортчогалоз

 

Вералоз - кортчогалоз

Куатьтон ар тырмонэныз валче Шöкыч уром мылкыд кариз ас котыраз люканы маскаръяськыны быгатüсь юлтошъёссэ. Удмурт калык пöлын кылтэчыос öжыт öвöл, тросэз соос тодмо адямиос. Соос ик луозы «Мынясь куно» сэреглэн валтüсь геройёсыз. Туннэез куномы - книга поттонъя «Удмуртия» кун издательстволэн директорез Юрий Кузнецов.

Ю. В. Кузнецов - директор книжного издательства "Удмуртия"

Серекъямед потэ, нош чиньы возьматüсь öвöл. Сыче учыре вазиськыны луоз Юрий Васильевич доры. Озьы шуыса вамыштü издательство юртэ. Юри маскаръяськыны косо ке, шуак мар вераны паймисько, шуиз Юрий. Озьы ке но соку ик тодаз лыктüз удмурт пиосъёслэн «Кортчог» огазеяськонзылы президент луэмез. Бен, бен, сыче огазеяськон но вылэм.

 

 

Ю. Кузнецов

 - Кылем арын сентябре Саранскын ортчем фин-угор калыкъёслэн съездысьтызы бертыкумы, вераськон потüз: удмурт нылкышноослэн огазеяськонзы вань, нош пиослэнэз öвöл, - веранзэ мытüз Юрий Васильевич. - Соку ик кылдытоно кариським. «Кортчог» ним мынам ымысьтым потüз бере, ачим ик кивалтüсько. Уставмы öвöл, но отчы ог дасо мурт пыриз. Взносъёс басьтüсько кортчоген, но 10 сантиметрлэсь пичи медаз луы: коркаме пуктыны узгес тупа. Шурупен но яралоз тырыны. Но огазеяськонмы та дырозь öз йылы: кöня вал, сомында ик кылим. Оло, Шöкыч уром юрттоз.

Юрий Кузнецовлэн кылтэчы луэмез улонын но, семьяын но, ужын но юрттэ. Школаын дышетскыкуз чемысь учительское пыраменыз, сыче нодо луиз, дыр. 6-тü классысен зуч кылъя дышетüсьсы огвакытэ весь сое отчы ысъялляз уго… Берпуметü парта сьöрысь пияшлэн тэк улэмез öз луы, пукон вылаз зечырано кожалляз. Соин йырин я пуконэз усе, я пуконэныз валче ачиз гачолске. Дышетüсьлэн веранэз одüг: Кузнецов, пот учительское. Классын кин ке вераське яке лöптылэ, доска пала берытскем дышетüсь, кинзэ адзытэк но, нош Кузнецовез учительское келя. Мар карод, пиёк тодмо сюрестü вамыштэ. Пыремысьтыз дышетüсьёс юало: мар-о, пе, лыктüд? Мар вераны валатэк, Юра вазе: Юлия Ивановна ыстüз.

Амало луыны быгатон кызьы ке ас понназ лыктüз, пе. Егит муртлы со одüг пол гинэ öз юртты, Свердловскысь университетын дышетскыкуз. Кылтэчы Кузнецов огкыл шедьтылüз тужгес «копаськись» дышетüсьёсын но. Зуч литературая экзаменын быдэс курсысьтызы 80 процентэз пала студентъёс «кыкъёс» басьтüзы, нош солы нылкышно профессор «ньыль» пуктüз.

Ваньмыз паймемын: кызьы озьы? Кема малпаськытэк, Кузнецов сачкытэ: пичи дыръяз профессормес песятае чечыен сюдыса возиз. Ваньмыз амалтэк оскизы, адзизы уго, экзаменъёс азьын кöня ке нунал азьло Юра дышетüсен мар ке пумысен вераськиз. Профессорлэн син шораз йöтон понна Кузнецов юалляськоно кариськиз удмурт литература пумысен. Тодэ вал уго, солэн атаез куке но ужамын Можгаысь чугун сюрес вылын инженерын. Соиз валэктüз: жаляса верано, номыр уг тодüськы, пе, но кулэ дыръяз дорад вазисько. Студентлы со ик кулэ вал: табере сое экзаменын уз ни курадзытэ. Шораз кырыж учкемысь берло шонерзэ вераз ке но эшъёсызлы, соосыз öз оске ни. Кузнецов валаз: юнме шорысь лöптылон аслыд пумит но берытске вылэм.

Туспуктüз Владимир Беломорских. Лия Малых

Источник: Газета "Удмурт Дунне" №10-11 (24749-24750) 28.01.2011г.

© ГУП УР «Издательство «Удмуртия», 2006-2019 udgiz.ru

Скачать удмуртские шрифты Times New Roman Udm(остальные) Arial Udm, Courier Udm, Verdana Udm, Поиск,