487295596 - общие вопросы

ГУП УР «Книжное издательство «Удмуртия» ведет свою историю с сентября 1919 года. За 100 лет издано

свыше 9000 названий книг, учебников, брошюр общим тиражом более 90 млн. экземпляров.

Пресса об издательстве * Улон зарезь – чуръёс пушкын

«Улон зарезь – чуръёс пушкын»

«Удмуртия» издательствоын арлы быдэ трос книгаос вордüсько. Туэ пал аре потэмъёссэ лыдэ басьтоно ке, соос пöлысь уноез сüземын республикалы, гуртъёслы но районъёслы. Поттэмын кыллюкамъёс, пöртэм пуштросо бичетъёс.

У«Улон зарезе» кылбур бичетсэ лыдзись доры вуттüз кылбурчи Семён Карпов. Авторлэн таяз книгаяз пыртэмын пöртэм аръёсы гожъям чуръёсыз. Кылбуръёсты лыдзыса, шедьтüськод юанъёсын пачылмем сюлмаськонъёсты, шумпотонъёсты, пальпотонъёсты но жоже усёнъёсты. Соос ваньзы ик артэ вамышъяло. Лирической герой асьмемыз но, лыдзисьёсты, асэныз чош малпаськыны öте. Нырысетü люкетсэ автор «Эн дырты, кылбуре» нимам. Кыкетüзэ – «Дэлет сётüсь кужым». Вордüськем палъёсызлы сüземезлы – «Тылое – тон улон зарезе» бадзым саклык висъя. «Мон уг ышы – тон эн ышы» но «Тонэ öти мон кылбурам» люкетъёсысь шедьтоды гажан но яратон, инкуазь но адями кусыпъёс сярысь чуръёсты. Кинлэсь ке поэмаос но мылкыдзэ жутозы. Отüяз автор пöртэм кылъёсысь удмуртэ берыктэм кылбуръёсын тодматэ.

Узыр пуштросо «Старые Зятцы» книга Якшур-Бöдья ёросын но со котырысь гуртъёсын улüсьёсты шумпоттоз. Бичетэ пыртэмын черкогуртлэн историез, сям-йылолъёсыз, вашкала но туала улонысь туспуктэмъёс. Книгаез чебермало на пöртэм удысъёсысь азьмынüсьёслэн, Быдзым оже ветлэмъёслэн но отчы быремъёслэн, «Ижевск-Балезино» но «Ува-Кильмезь» чугун сюрес лэсьтüсьёслэн тусбуйёссы. Уно саклык висъямын «Старозятцинский» СПК-ын ужам калыклы но али отын тыршисьёслы, данэ потэм улосчиослы. Тыло (Старые Зятцы) шор ёзо школаез йылпумъямын медицина удысысь профессоръёс Михаил Муравьёв но Анатолий Корепанов. Та музъемысь данэ потэмын кызё пала эмчиос но куамынлэсь уно дышетüсьёс. Соослэн вань Совето Союзысь Геройзы – запасысь майор – Иван Репин, Ужысь Геройзы – Василий Муравьёв. Уноез нулло Ленин, Ужысь Горд Знамя, «Знак Почёта» орденъёс но трос медальёсты. Нырысетü бамын ик – Тыло черкогуртлы сüзем кылбур. Сое гожтüз Маргарита Шкляева. Книгаез поттыны дасям Галина Василькова. Галина Харитоновналэн трос авторъёсын но архивъёсын ужамез шöдüське. Котыр ласянь гуртсэ но отысь потэм калыксэ возьматэ. Книгае пыртэмын арлыдоослэн тодэ ваёнъёссы, нылпиослэн ужъёссы. Тыло куке-соку нимаз район вал, нош 1963-тü арын сое Якшур-Бöдья борды юнматüллям. Черкогурт 250 ар чоже йыг-йыг пыд йылаз сылэ ни. Со дыр куспын 3 черк лэсьтэмын. Туннэ нуналэ нош ик вылез жутüське.

Кылбурчи Ольга Ведрова лыдзисьсэ шумпоттüз «Усьты öстэ» книгаеныз. Бичетэ пыртэмын 77 кылбур. Со чуръёс пöлысь шедьтыны луэ лушкем öпкелёнэз но тэльмыронэз, мöзмыса возьмаськонэз но пыкылонэз. Нылкышно сюлэмлэн шуныт сиосыз, биниськемын зугырес малпанъёсыныз. Бичетлы аспöртэмлыко суред лэсьтэм Юрий Лобанов. Та нуналъёсы Дэри ёросысь Вуколудын улüсьёс кие тунсыко книга вуиз – «Мынам Вуколудэ». Гуртлэсь историзэ тыро-пыдо люкан бордын тыршем та гуртын ик вордскем но быдэ вуэм Маргарита Малышева. Книгаез узырмыто вашкала но туала туспуктэмъёс. Гуртысь кылбурчиос Нина Малышева, Маргарита Малышева но Светлана Зайцева, вордüськем гуртсылы сüзьыса, чебересь чуръёссэс гожтüллям. - Гуртлэсь историзэ, отын улэм-вылэм калык сярысь утчаськыса, трос бугыръяськоно луиз архивъёсын, – шуэ Маргарита Николаевна. - Туспуктэмъёс бичаса, коркась коркаетü ветлü пересьёс но улонэз адњем адямиос дортü. Книга поттэмме тодüзы но, ваньмыз синкылияськыса тодэ ваёнъёссэс верало. Тау шуэме потэ вань гурт калыкелы, та ужез öз палэнтэ шуыса.

Любовь Тихонова.

Источник: Газета "Удмурт Дунне" 8.08.2012г

Скачать удмуртские шрифты Times New Roman Udm(остальные) Arial Udm, Courier Udm, Verdana Udm, Поиск,