487295596 - общие вопросы

ГУП УР «Книжное издательство «Удмуртия» ведет свою историю с сентября 1919 года. За 100 лет издано

свыше 9000 названий книг, учебников, брошюр общим тиражом более 90 млн. экземпляров.

Пресса об издательстве * Тачеез Якшур одüг

«Тачеез Якшур одüг»

Туннэ нуналлы элькунамы кык Якшур, куинь Ягул но ньыль Ягошур гуртъёс лыдъясько. Отын вордскем, будэм но али улüсьёс понна дунне вылын дуноез но мусоез сэрег öвöл, дыр. Валентина Николаевна Широбокова гогыеныз бурмемын Якшур-Бöдья ёросысь Якшур гурт борды. Тöдьыошмес юзмыт вуэныз будыны кужым сётüз, гольык пыд бызьылüз Тупал но Дургапал ульчаостü, узы-боры бичаз Болтайгопын но Чекергопын. Гуртэзлэсь палэнэ дышетскыны гинэ кошкылüз, ужаны но кыдёке öз ветлы.

РСФСР-ысь дышетон удысысь отличник В. Широбокова, вордскем интыосызлы, гурт калыкезлы тау карыса, кузьым дасяз. Алигес «Удмуртия» издательствоын югыт дуннеез адзиз Валентина Николаевналэн «Якшур – это речка в сосновом бору» туж йöно, кие кутымон книгаез. Шаерчиослы, якшуръёслы та дуно уж. Солэсь кулэлыксэ, улонын интызэ аръёс ортчемъя гинэ валаломы. В. Широбокова вань улытозяз Якшур гуртэз сярысь материалъёс люкам. Книгалэн шорсюлмыз – со Якшур гуртысь пöртэм семьяослэн выжыоссы. Гордпиослэн, Конёнъёслэн, Покольёслэн, Вахрушевъёслэн, Лёгорпиослэн XVII даурысен кутскыса шедьтэм чыжы-выжыоссы пыр возьматüське дано гуртлэн 350 аръем улон сюресэз. Кöня пукемын пöртэм архивъёсын, кöня журнал-газетъёс бугыръямын, кöня адямиосын пумиськылэмын но вераськемын, Якшурлэн историез син шоры мед пуксёз шуыса! Туннэ со сярысь авторез гинэ вераны быгатоз.

Удмурт гурт трос дано пиос но нылъёс будэтüз. Тани Николай Александрович Вахрушев СССР-ын одüгез устоез лэсьтüськись вал, солы Социалистической Ужысь Герой ним сётэмын. Ньыль мурт Ленин орденэн пусъемын. Со возьматэ ни та гуртлэсь дано луэмзэ. Татü ик XIX даурын ортчиз Россилэн эксэез Александр I матысь эшъёсыныз но юрттüсьёсыныз. Удмурт калык вераськонъёсты эскериз фин тодосчи Т. Аминофф. Туала вакытэ татын ужаз но троссэ якшуръёсты кагаз вылэ пуктüз Россиысь дано суредась, Удмуртиысь калык художник Пётр Ёлкин.

Та книга вань лыдзисьёслы кельшоз. Огазе люкамын Якшурен герзаськем тодэ ваёнъёс, нылпиослы шуыса, сётэмын визькылъёс, выжыкылъёс, озьы ик шедьтыны луоз гуртоослэсь вордскем интызылы сüзем кылбур чуръёссэс но крезьгуръёссэс.

Якшур-Бöдья но книгаос потüзы ни. Черод вуэмын Ягул но Ягошур гуртъёсын улüсьёслы таче ик синмаськымон уж дасяны.

           Разворот обложки книги

Якшур - это речка в сосновом бору

         (нажать для увеличения)чения):

Георгий ТУЙМАТОВ.

Источник: Газета "Удмурт Дунне" № 127(24866) 30.08.2011г.

Скачать удмуртские шрифты Times New Roman Udm(остальные) Arial Udm, Courier Udm, Verdana Udm, Поиск,