Мы работаем для Вас с 1919 года.

На главную...

Об издательстве...

Новости...

Книжный магазин...

Скачать прайс-лист...

Как с нами связаться. Как к нам проехать.

On-line

консультации

Все вопросы, связанные с приобретением книг, Вы можете задать нашим специалистам:

*

487295596 - общие вопросы

 

Яндекс.Метрика

 

География посетителей сайта:

Государственное унитарное предприятие Книжное издательство УДМУРТИЯ

ГУП УР «Книжное издательство «Удмуртия» ведет свою историю с сентября 1919 года. За 100 лет издано

свыше 9000 названий книг, учебников, брошюр общим тиражом более 90 млн. экземпляров.

Пресса об издательстве * Сыче вал мынам Ермолаеве

 

«Сыче вал мынам Ермолаеве»

«Удмуртия» издательствоын туэ потüз тодмо журналистлэн, кылысь кылэ берыктüсьлэн, публицистлэн Нина Ермолаевалэн «Плачет душа» электрон книгаез.

Та книга – тодэ ваён. Кин лыдзиз Нина Ермолаевалэсь куинь ар талэсь азьло потэм «Алексей Ермолаев известный и незнаемый» бичетсэ, валалоз: таиз со книгаез азьланьтэ.

Алексей Ермолаев – тодмо удмурт литературовед, дüсьтüсь критик, чылкыт сюлэмо адями, яратüсь кузпал, зеч атай но оскымон эш. Тазьы котыр ласянь асьмелы сое усьтэ книгалэн авторез пöртэм учыръёс но тодэ ваёнъёс пыр. Тани огез:

«1975-тü арын нырысьсэ потüз удмурт литературая учебник. Авторъёсыз А. Ермолаев но П. Поздеев. 1970-тü арын ай та учебникез дасяны юнматüзы Алексей Ермолаевез, солэсь вакчияк, узыр но со дыре ик пиналъёслы валамон кылын гожъяськемзэ тодыса. Алексей Ермолаев бордаз öтиз П. Поздеевез, сое картэ туж гажа вал. Мон пайми, Алексей Ермолаев Пётр Кирилловичлы А. Окилы, К. Митрейлы, К. Гердлы, Г. Медведевлы сüзем темаосты сётüз шуыса, уго ачиз соос сярысь уно тодэ, трос гожъяз ни вал. Малы озьы карид шуыса юамелы кузпалы валэктüз: творчествоедлэсь емышъёссэ мукетъёсыныз люкыны быгатоно, соку шумпотонэз но кык полэс луэ. Тüни сыче вал мынам Ермолаеве. Нош табере куд-огъёсыз кужмысь чушыны, вунэтыны выро солэсь нимтулзэ, удмурт литератураын тыршемзэ. Соин ик мон гожъясько аслэсьтым зэмлыкме.

Адями туж чебер вераськыны быгатэ ке но, кудог дыръя солэн вамышъёсыз кылъёсызлэсь тросгес верало. Та книгаез лыдзыса, Алексей Ермолаевлы мон эшшо кöня ке пол пайми. Больницаын луэм учыр уката ик йырам кылиз. Со сярысь Нина Ермолаева тазьы гожтэ:

«Мынам картэ больницаын кылле. Сюлэмыз висе шуыса, тодüськом ни вал, табере шараяськиз на: пекляосаз изъёс вань. Врач кыџе ке зеч эмъюм шедьтыны куриз. Соин, пе, кузпалдылы капчи луоз. Мон, ваньзэ вунэтыса, Ижысь вань аптекаостü ортчисько, управлениязы вуылüсько. Тодмоосы пыр шедьтüсько со уколъёсты. Валасько: али киям шедем эмъюмлэсь дуноез мон понна номыр öвöл, малы ке шуоно соос кузпалылэсь улонзэ кузёмытозы. Витетü нуналаз Алексейлэн мылкыдыз умойгес луиз. Азьло чидантэм вöсь вал, табере капчигес ини. Соин ик кылем вить уколме палатаысь мукет висисьлы кузьмай, шуэ картэ. Мон пайми: кызьы кузьмад? Со пумитам пальпотыса: обход дыръя врач шуиз, бускельдылэн висёнэз сыче ик, но тüледлы удалтüз – кышноды та уколъёсты шедьтüз. Мыным умойгес ни ук, соин ик сётü. Тüни сыче вал мынам Ермолаеве. Ачиз сярысь малпаськытэк, мукетъёс понна сюлмаськылüз. Мон уг вераськы ини, со уколъёс понна палатаысь бускелез уксё öз сёты шуыса, со тау но öз шуы. Инмар тазалык мед сётоз, та удмурт адями али пенсиын. 2009-тü арын сое урамысен пумитай. Монэ адзиз но йырзэ берыктüз, малы ке öз но зечъяськы, огогмес тодüськом ке но».

Котькуд книгаез кие кутыку, нырысь ик син шоры йöтэ нимыз. «Плачет душа», малы озьы шуэм автор та ужзэ?

- Улонам трос югытэз вал, луылüзы пеймыт дыръёсыз но. Но вöзам ялан вал Алексей Афанасьевич. Котьмар мед луоз, ваньзэ вормылü, öй бöрды, ми чош вал ук. Лулы бöрдыны кутскиз со та дуннеысь кошкем бере. Собере монэ жожомытэ на эшшо огез. Алексей Ермолаев трос лэсьтüз удмурт литератураез но критикаез азинтонлы. Потэ вылэм, Удмурт Республикалэсь Кун премизэ солы мед сётозы шуыса, кызьы кулэмзы бере сётüзы Михаил Покчи-Петровлы, Флор Васильевлы, Роман Валишинлы, Владимир Романовлы но мукетъёсызлы дано удмурт пиослы. 2006-тü арын ай Удмуртиысь Писательёслэн союззы сыче чектонэн потüз вал, но малы ке та дырозь югдур воштüськемын öвöл. Но, малпасько, дыр вуоз, Ермолаевлэн гожъямъёсыз нош ик тунсыко луозы. Мон соосты ваньзэ люкай, удмурт кылын 2 томен но зуч кылын 1 томен печатламон пöрмизы. Кин тодэ, оло, бöрысь куке выльысь печатласькозы на. Юнме уг шуо ук: рукописьёс уг жуало, нош зэмос пиоссэ калык уз вунэты, – мылкыдзэ усьтэ Нина Ермолаева.

Лыдзисьёслэн малпанзы медаз кылды, та книга жож мылкыд кельтэ шуыса. Уг, со туж сайкыт, югыт но шуныт. Нина Георгиевна пичи дырыз, студент но ужан аръёсыз пыр возьматыны но герзаны быгатэм ассэ но удмурт шаерез. Татын ик печатламын нылпиослы веросъёсыз, кудъёсыз та дырозь потамын öй вал на. Бадзым люкетэз сüземын А. Ермолаевлы но солэн чыжы-выжыосызлы, эшъёсызлы. Туж трос тунсыко туспуктэмъёс.

2009-тü арын Нина Георгиевналэн потэм «Алексей Ермолаев известный и незнаемый» книгаез пумысен трос малпанъёс вал. Кылсярысь, филология наукаосъя доктор Анна Зуева пусйиз: та книга дышетэ, кызьы тыршоно калык понна. Литературовед Виктор Шибанов студентъёслы шуиз: тü зэмос дышетüсьёс уд луэ, та книгаез öд ке лыдзе. Нина Ермолаевалэн выль уженыз но мон дэмласал ваньмызлы тодматскыны, уката ик егитъёслы, соос улонэз валаны, зэмос эшъяськонэз но яратонэз дунъяны мед дышетскозы шуыса.

Писательлэн пиез Андрей Ермолаев шуиз: бичет тунсыко луоз котькыче лыдзисьлы, кин тодэ на анаелэсь Удмуртиысь кибашлыос, гурт удысын ужасьёс сярысь тунсыко очеркъёссэ но атаелэсь лэчыт материалъёссэ, рецензиоссэ. Та книгае пычамын анаелэн атайме яратэмез, со шöдüське нырысетü бамысен берпуметüозяз.

Галина Семёнова.

Источник: Газета "Удмурт Дунне" 155(25091) 17.10.2012г.

© ГУП УР «Издательство «Удмуртия», 2006-2019 udgiz.ru

Скачать удмуртские шрифты Times New Roman Udm(остальные) Arial Udm, Courier Udm, Verdana Udm, Поиск,