487295596 - общие вопросы

ГУП УР «Книжное издательство «Удмуртия» ведет свою историю с сентября 1919 года. За 100 лет издано

свыше 9000 названий книг, учебников, брошюр общим тиражом более 90 млн. экземпляров.

Пресса об издательстве * КЫТЧЫ ПЫРИЗ УДМУРТ КНИГА?

Источник: газета "Удмурт дунне" 13.01.2009 г.

Кытчы пыриз удмурт книга?

Асьмеос трос вераськиськом удмуртлык сярысь. Но ойдолэ ай тодамы ваём: кыче удмурт книга лыдзимы берло дыре? Анай кылын гожтэм кыче книгаен шум-поттимы пиналмес? Кин ке шуоз, вылды: дыры öвöл. Ужпум со бордын гинэ ке луысал... Удмурт книгаез, тужгес но пичи пиналъёслы чакламъёссэ, шедьтыны туж но туж секыт луиз. Маин со герзаськемын?

Лыдзем потэ, но... номыре

Удмурт книгаослэн тыр-мымтэзы сярысь ужпум выль öвöл. Но сое татчыозь нокин рос-прос оз эскерылы. Ортчем арлэн пумаз вераськон жутэ-мын вал Нациосын ужан поли-тикая министерстволэн колле-гияз. Татысь иворъёсъя-ана-литикая но право ужпумъёсъя отделлэн кивалтисез Павел Орлов анай кыллэсь палэнскон мугъёсты мечак герзаз удмурт книгаос тырмымтэен. Мар кадь отын паймытисез? Но ми-нистерстволэсь эскеронъёссэ чакласа, зэмос югдурез син шоры пуктыса, сюлэм борды-ны кутске. Одиг ласянь, асьсэ калык-сылэсь культуразэ дышетыны мылкыд карисьёс трос. Юал-ляськонъёс возьматизы: 74,5 процентэзлэн удмуртъёслэн анай кылзэс зечгес тодэмзы потэ, 84,6 процентэз тросгес дышетскысалзы на сям-йы-лолъёссэс, 80,5 процентэз

- литератураез но искусствоез. Озьыен, удмурт кылэн но культураен тунсыкъяськон, сое мургес валан, дышетон мылкыдъёс бадзымесь. Со гинэ öвöл, городын но гуртын ортчытэм эскеронъёсты учконо ке, адямиос шуиллям: нылпиосмы удмурт кылэз мед тодозы ик вылэм. Но мар люкетэ соослы пиналзэс удмурт карыны? Та юанлы котькудиз дасо пала валэктон шедьтоз: соиз öвöл, таиз öвöл. Нош малы со кулэ? - юалозы.

Зэм, асьмеос ялан портэм мугъёсты утчаськом. Тодись-ком созэ но: адямилэн мыл-кыдыз ке луиз, аслыз кулэзэ со дунне пыдсысь но шедьтоз. Озьы ке но котькудиз-а дась со шугъяськонъёс пыр потыны? Сокем-а пыкылоно удмурт кни-га лыдзымтэзы понна?

Россиысь библиотекаослэн ассоциацизы дэмламъя, одиг адямилы быдэ библиотекаын 4,9 том книга усьыны кулэ, нош гуртъёсын - 7-8 том. Ась-мелэн адямилы быдэ али усе шорлыдын 3,2 книга. Нош анай кылын изданиосты чаклано ке, республикаямы адямилы быдэ 0,3 том гинэ усе. Удмуртиысь вань библиотекаосын оглом 4 процентэз гинэ книгаос анай кылынымы. Удмурт культурая аспортэм центр луись гуртъ-ёсты учкыса но, мылкыд уг буйга. Шуом, Пичи Пурга ёро-сысь Вуж Монья гуртын одöиг улисьлы 0,6 том удмурт кни-га усе. Вотка ёросысь Кукуи библиотекаын одиг адямилы

- 0,4 книга, нош Дэри ёросысь Пероггуртын одиг муртлы 0,1 том сяна уг поты.

Анай кылын книгаос воксё уг вуо, шуыны уг луы. Шуом, 2007-ти арын библиотекаосын удмурт фондъёс 4 процентлы выльдиськизы. Но со туж но туж ожыт. Кöня ке гинэ биб-лиотекаез эскерыса потом: Глаз ёросысь Отогуртын 75 процеНТЭЗ УДМУРТ книгаос чылкак вужмемын, Можга ёросысь Выль Бия гур-тын - 53 процентэз, Ува ёросысь Сяртчыгуртын

- 78 процентэз, Балези-но палъёсысь Быдыпиын

- 76 процентэз, Алнаш ёросысь Муважи библи-отекаын - 84 процентэз, Дэбес ёросысь Сюрно-гуртын - 65 процентэз... Эшшо но эшшо вераны луысал. Ма, возьматэ ай: кытын, кыче библиоте-каын удмурт книгаослы уг ёрмо?

Анай йолын кесетымтэ, скал йолын уд пычаты Пиналъёсты пичи ды-рысенызы анай кыллы дышетоно, шуиськом. Но ёрос библиотекаосын ны-лпиослы чаклам книгаос полысь 1-10 процентэз гинэ удмуртэсь. Куд-ог интыосын сыче изданиос кöня ке дасо сяна уз луэ. Но со дыре ик Удмурт Республикаысь Национальной библиотекалэн 2008-ти арын ортчытэм юал-ляськонэзъя удмурт нылпи книгалэсь кулэлыксэ пусъем 69,1 процентэз адями.

- Гуртъёсын куать-сизьым аресъем пиналъёс полын вань али зуч кылэз тодйсьтэм нылпиос. Нош удмурт книгаос öвöлэн та пиналъёс тодон-валанзэс паськытатыны уг быгато, озьы соос эшъёссылэсь бере но кыльыны быгатозы, - пусъе Нациосын ужан политикая министерствоысь Павел Орлов.

- Луысалзы ке асьмелэн пичиослы чаклам яркыт, тунсыко удмурт книгаосмы, пиналъёс асьсэос сыче изданиос котыре кыстиськысалзы, анай кылынызы лыдзиськыны тыршысалзы.
Пичи Пурга ёросысь Баг-раш-Бигра гурт тып-тып уд-мурт. Татысь библиотекаын Яна Леонидовна Зайцева тямысэти арзэ ужа ни. Та дыр чоже сю-лэмыз ялан висиз удмурт кни-гаослэн тырмымтэзы пумысен. Аръёсын люкаськем котжожзэ со вератэк оз чида:

- Туж пичи пиналлы чаклам удмурт книгаос татчыозь воксё оз поталэ на. Сыче литература öвöл! Кык-куинь аресъем пиналэн пукиськомы, зуч кылын яркыт книгаез учкыса. Отысь текстсэ удмурт кылэ берыктыса вераны тыршиськом. Но ми кылысь кылэ берыкъясь профессионалъёс öвöл ук! Отысь ик уг поты-а нылпиосмылэн шенгыль-пенгыль вераськемзы? Удмурт сямен но рос-прос ум быгатиське, зуч сямен но...

Яна Леонидовна шараяз на мукет шекъёсты но:

- Удмурт но зуч книгаез артэ пуктйд ке, басьтод зучсэ. Малы? Удмуртэз бездытгес адске. Пиналъёс шуо: суредэз öвöл, лыдземмы уг поты. Уд-мурт книгаослэн шрифтъёссы но чемысь уг тупало пичи муртлы. Нош книга мед луоз пичи пиналлы шудон выллем. Со доры киос асьсэос мед кыстйськозы. Мукет ласянь, нылпиез кöкыын дыръя ик анай удмурт книгаез кутыны, отысь нуны веттан гуръёсты нёжъяны мед быгатоз. Калыкын юнме уг шуо, дыр: анай йöлын ке сётэ-мын öвöл, скал йöлын уз пыча ни. Пинал пичиысен ик удмурт книгалы öз дышы, сое öз лы-дзы ке, бöрысь котькöня кос на, толыкез уз луы, - öпкелиз Яна Зайцева.

Баграш-Биграысь библиоте-каын ужасьёс аспöртэм эскерон ортчытйллям. Юалляськиллям нылпи садэ ветлись пиналъёс-лэн анай-атайёссылэсь. Оглом эскеремын 40 семья. Библио-текаын ик ужась Светлана Баг-рашова пусъе: кыче удмурт кни-гаос лыдзиськоды шуыса юам-лы, пе, 50 процентэз веразы, ум лыдзиське шуыса, 30 процентэз выжыкылъёсты быръё. Кылем 20 процентэз пусйиллям таӵе изданиосты: «Нуналлы быдэ выжыкыл», «Колзо», «Букварь», «Зарни дэремен шунды», «Икча-кукча», «Коля тодэ 50 будосэз, нош тон?» но мукет.

42,5 процентэз анай-атайёс удмурт книгаосты библиоте-каысь басьтйськом шуиллям, 12,5 процентэз - книгаен вуз карон лавкаысь, 5 процен-тэзлэн аслаз пичи дырысен кылемъёсыз вылӥллям ай. Кӧшкематэ мукетыз лыдпус: 27,5 процентэз анай-атайёс нокытысь но удмурт книга уг басьяло, 12,5 процентэз жожтйське: анай кылын книга шедьтэмзы уг луы.

- Оглом учкыса, нылпйос-лы удмурт книгаос уг тырмо, ваньёсыз но лыдзиськон мыл-кыдэз уг бурдъяло, - пусъе Светлана Михайловна. - Дорамы нуналлы быдэ вуо пичи пиналъёсын анай-атайёс, удмурт книга куро но... кулэзэ шедьтытэк, жожомыса кошко.

Нош мар та сярысь малпало асьсэос книга поттйсьёс?

Одиг ыж кулэсь шуба уд вуры Республикаямы уд-мурт кылын рос-прос книгаос поттись из-дательство одиг гинэ - «Удмуртия». Зэм, печатласько «Инвожо» издательствоын но. Но таосыз лыдзись доры воксё уг вуо, шуыны луоз. Туала вакытэ котькытын кулэ коньдон. Анай кылын потйсь книгаослэн тиражъёссы пичиесь, барыш но соос чотын уд потты, ыштонъёс гинэ адзод. Соин кыче ке мукет издательствоос удмурт книгаез печатлан борды уг басьтисько. Котьма ке но, «Удмуртия» издательствоын потто ик анай кылын изданиос. Кöня ке коньдон висъяське хун ласянь, кöнязэ ке огазеяськон яке ачиз автор шедьтэ пöртэм проектъёс, ьгрантъёс пыр. Озьы кылем арын дуннеез адзиз 15 удмурт книга. Эшшо куатез - кык-куинь кылын. Зэм, со бадзым юбилей ар вал. Нош туэ кышкытлык вань, удмурт изданиос воксё уз печатлаське шуыса.
- 1930-ти аръёсы, пичи дыръямы, лыдзылим туж умой удмурт книгаос. Соосты выль сямен али поттыны капчигес но дунтэмгес öй луысал меда?

Сыче дэмланэн потйз «Уд-мурт кенеш» огазеяськонлэн вице-президентэз Валентин Тубылов. 1920-ти-1930-ти аръёсы нылпиослы гожтэм текстъёс ке-малась ик öвöл потизы бадзым книгаосын-хрестоматиосын. Но али пичильтокъёслы со тупаа?

Оло, туала удмурт писа-тельёслэн, поэтъёслэн пичи нылпиослы чаклам тунсыко текстъёссы öвöл, печатланы номыре? «Удмуртия» изда-тельстволэн директорез Юрий Кузнецов та малпанэз умоен уг лыдъя. Коньдон ке, пе, ви-съяны кутскысалзы, ар-кык ортчыса, авторъёс издатель-ствоез сыче ужъёсынызы согысалзы. Соку умойёсыз пöлысь умойёссэ бырйыса поттыны луысал.

Юрий Кузнецов шугъясь-кемзэ öз ваты:

- Одиг ыж кулэсь шуба уд вуры. Мон ай паймисько тазьы но книга поттыны быгатэммылы. Кытйяз одйг издание тросгес текстъёс пыртыны тыршиськомы, тини соин сэрен шрифтэз пичи пиналъёслы век-чигес луэ, суредъёс уг тырмо... Одйг рос-прос изданилы али 700 сюрс манет пала коньдон кулэ. Со бордын автор, суре-дась, редактор ужа ук, бумага но ялан дуноя. Кöня ке аръёс ӵоже удмурт книгалы коньдон воксё öз сётъяськы. Ярам, берло аръёсы югдур умойгес луылӥз, быгатймы выль кни-гаос, удмурт писательёслэсь-классикъёслэсь произведени-оссэс поттыны. Но мар луоз азьланяз? Та кризис шуонзы ми вылтӥ но питырскоз, вылды. Шуозы: книга лыдзытэк, адями кулымтэ на...

Зэм, берло аръёсы кылъёс сярысь законэз улонэ пычатон программая удмурт класси-къёслэсь трос книгаоссэс поттыны луиз. Изданиос туж синмаськымонэсь пöрмизы. Но шонер вера, дыр, нациосын ужан политикая министрлэн нырысети воштйсез Лариса Буранова: асьмеос классика-ез поттытозь, сое лыдзисьёс ӝоген воксё бырозы ни. Ма пичиысен удмурт кылын кни-га «йырйыны» öд дышы ке, бадзым будэм берад со борды кыстӥськод на меда?

Соку ма кароно? Кытысь коньдон шедьтоно? Кызьы книгаез вуттоно пичи лыдзись доры?

Юрий Васильевичлэн мал-памезъя, секыт югдурысь по-тыны юрттоз нимысьтыз про-грамма гинэ. Нациосын ужан политикая министерстволэн коллегияз чакламын вал ин-тыысь аскивалтонъя органъёс-лы вазиськыны, соос библио-тека фондъёссэс узырмытонъя программа мед дасялозы. Зечгес ужано Писательёслэн огазеяськонэнызы, анай кылын рос-прос произведениослы кун заказ медло. Со сяна, оло, пöрмысал удмурт кылын книга поттйсь издательствоослы выт тыронъя капчиятонъёс сётыны. Нош дась изданиосты калык доры вуттон понна умой луы-сал почтаен яке мукет со выл-лем огазеяськонъёсын кусып возьыны.

Нялтас вераса, Выль ар азь-ын, декабре, почтаысь специ-алистъёс но Нациосын ужан политикая министерствоын ужасьёс кенеш ортчытизы. Уд-мурт книгаосты вöлмытон борды басьтйськыны почта уг дырты. Нырысь, пе, аспӧртэм эскерон ортчытоно. Озьы туэ удмурт книгаос, открыткаос вузаны кутскозы Шаркан ёросысь поч-та ёзъёсын. Ваньмыз умой ке мыниз, азьланяз та амалъя ик ужалозы мукет ёросъёсын. Но эскерон зеч мед ортчоз шуыса, сюлмаськоно аслыз но издатель-стволы: поттоно зэмзэ но кулэ луись, тунсыко изданиосты.

• * •

Мукет ласянь, оло, юнме асьмеос сокем жожомиськом? Туала вакытэ нылпиос компью-тер борды бурмо, уно текстъёс-ты отысь лыдзо ни. Дунтэмгес öй луысал-а удмурт произве-дениосты нимысьтыз сайтъёсы интыяны? Таизлы нокин пумит öвöл, пöрмиз ке, туж умой. Но книгалэн аслаз шунытэз, лулыз ук! Али гинэ тэтэ карись нылпи-ез компьютер сьöры уд пукты. Анай но, нуныезлэн валесэз дорын выжыкыл лыдзыкуз, ал-вылаз компьютерен уз пукы...

Елена МИННИГАРАЕВА

Скачать удмуртские шрифты:

(рекомендуется) Times New Roman Udm (остальные) Arial Udm, Courier Udm, Verdana Udm, Поиск, За