487295596

(3412)78-45-66

ГУП УР «Книжное издательство «Удмуртия» ведет свою историю с сентября 1919 года. За 100 лет издано

свыше 9000 названий книг, учебников, брошюр общим тиражом более 90 млн. экземпляров.

Пресса об издательстве * Берпуметüез зардон

«Берпуметüез зардон»

Озьы нимаз выль книгазэ тодмо журналист, ожысь но ужысь ветеран Владимир Голубев. Татчы пыртэмын куинь документальной повестьёс но одüг очерк. Отын вераськон мынэ удмурт калыклэн дано пиосызлэн геройлыко ожмаськемзы сярысь.

«Орзи вöлъя бурдъёссэ» документальной повестьын Владимир Васильевич пыр-поч маде Совето Союзысь Геройлэн, Кез ёросысь Лома гуртын вордскем дано лётчиклэн Зосим Исакович Макаров-лэн генерал-майорозь вуон сюресэз сярысь. Эгра музъем Совето Союзысь одüг гинэ Героез будэтüз. Зураысь удмурт воргорон Спиридон Стрелков 1945-тü арын тулыспал толэзе немец музъем вылын бырыны шеде. Спиридон Михайловичлы сüземын «Кылё лёгам пытьыос» документальной повесть. Тросэз улосчиосмы уг тодо вал, ма понна Яр ёросысь Володягуртын вордскем удмурт солдат Василий Трефилов кунмылэн самой вылü наградаеныз - Ленин орденэн - пусъемын. Табере Василий Ивановичлэсь геройлыко ож сюрессэ «Берпуметüез зардон» документальной повестьысь тодыны луоз. «Пöсь гужем» очерк сüземын Совето Союзлэн мукетызлы Героезлы, озьы ик Кез музъем вылын вордскем но кыдам удмурт воргоронлы Вениамин Андреевич Сидоровлы.

Ортчо аръёс, ялан öжытгес но öжытгес кылё ни пöламы ожысь ветеранъёс. Тросэз вунэ, нош войнаен герзаськем кудог учыръёсты юри сурало-пожало, егитъёслы йыринуллань возьма-то, огшоры солдатлэсь кужымзэ, батыр но кышкасьтэм луэмзэ вунэто. Нош фронтовик Владимир Голубев, шутэтсконэз, пуконэз валатэк, ялан бугыръяське Москваысь архивъёсын, отысь дасо аръёсын кыллись материалъёсты бугыръяса, кышкыт ож, ветеранъёс сярысь, аслаз синмыныз адзем зэмлыкез удмурт лыдзисьёс доры вуттэ.

Георгий ТУЙМАТОВ.

Источник: Газета "Удмурт Дунне" № 88(24827) 22.06.2011г.

Скачать удмуртские шрифты Times New Roman Udm(остальные) Arial Udm, Courier Udm, Verdana Udm, Поиск, За